Poesia “La piö bela festa dè ‘na ólta” di Massimo Spagna

Prima Festa dell'uva anno 1940
La prima Festa dell’uva di Gussago, anno 1940

Il nostro concittadino e poeta Massimo Spagna ha dedicato questa poesia, la prima da lui scritta in dialetto bresciano, alla Festa dell’Uva di Gussago. Il suo modo di rendere un particolare grazie, per tutto quello che ha ricevuto dalla nostra terra. Onore e ricordo ancor più, a tutti coloro che gli hanno insegnato a curare le radici più profonde della nostra Gussago, del nostro aver condiviso e di aver potuto vivere questi bellissimi ed intramontabili momenti.

La piö bela festa dè ‘na ólta

La festa dè l’ùa dè Güsàch
l’ia ‘na festa piéna dè giòja e dè contentèssa
dè zènt che sè vulìa bé
e piéna dè chèl amùr vècc che ghia ‘n bù saùr
la tradisiù dè la mè tèra
la tradisiù del mè bèl paés
che la zènt la portà sémpër ‘n dèl sò cör.
L’ia el més dè sëtèmbër
quànt che Güsàch el sa istìa a festa
coi sö culùr bianc e röss
e quànd che S. Ròc e la Stèla i cambiaa culùr
tra i vicoi e i tresandèi dé tera batìda e balöcc
se sintia l’udùr dè l’ùa ‘n dèl tinàs
e la contentèssa dei gnarili coi so pissuli l’ùa a schissà.
La mé nóna Niní
la ma istìa per ëndà a mèssa alta
‘n dè la ciésa dè la piàssa
con i calsècc biànc traforacc e i sandalì blö
èn pér dè braghe cūrte co ‘n dèl crusèt dè stòfa chèla bela
e chèl fioc co du nastri dè velüt blö
che someao ‘n craatì.
Finida la mèssa
me nóno Angel el ma tignio urguglius per la mà
come tegner tra le mà ‘na belo roza profumadò
e töcc chei che sa fermàa sùra el sagràt dè la césa
i slargàa i bras, ‘na strinzìda dè mà, ‘na paca sö la spala
e i sa salüdàa co chèl alégher sorìs
öd dè pensér.
‘Ndèi löc ècc gnarili a zügà
el spèd a girà e proföm dè polènta e osèi
sùra le taulè longhe co la toaia bianca
e nóter s.citì co ‘n d’èl tàol picinì
a fa festa come chèi grancc
ma da la piàssa del paés
sa sintìa el rumùr dè tambùri e la Fanfara a sunà.
Èl dutùr Corcione, òm dè cör e dè grandiùsa belèssa
sèmper cò la sò sigàreta èn bòca
a pàs long aànti ‘n dré cò ‘n chéle mà mai en scarsèla
el règalaa, cò la so profumadò fierèssa e tàt e tàt amùr
le sò Majorettes da le gambe longhe
e le piöme sùra el capèl
e la Fanfara dè Güsàch töcc istìcc dè biànc e rós.
I tratùr co le caràte
ognü co le so stórie en po mate
e la zènt föra dè le osterìe a brindà
col bicér dè vi négher en mà
èl proföm dè salamine rustìde
dè polènta sùra le brasé
e gratèle dè ùa s.ciàa en dè la mà dei pìpì.
E quàn’ él sùl l’endàa a dórmer
sa vardàem en di öcc
co ‘n d’èn bris dè dispiàzer
ma ‘n dè la piàssa del paés
argü a cantà en compagnia, argü a balà co la zia,
ma töcc a vardà ‘n dèl cél scür
quàte le rochète che sterlüzia.
Cari i mé s.cècc
chèsta, le la piö bela festa dè ‘na ólta
e fórse, el segrét per tègner viva tanta tradissiù
co ‘ndè ‘na mà söl cör
anche se la us la sbarbelà
e i öcc i deentà bagnacc
per ricordàla, mé restàt apena che cöntàla.

Massimo Spagna

RESTA SEMPRE AGGIORNATO CON LE NOSTRE NOTIZIE!

- iscriviti alle Newsletter di Gussago News per ricevere quotidianamente via email notizie, eventi e/o necrologi
- segui la pagina Facebook di Gussago News (clicca “Mi piace” o “Segui”)
- segui il canale Telegram di Gussago News